अन्तराष्ट्रिय अपाङ्ग दिवस त मनाँइयाे

विनोदकुमार श्रेष्ठ , रामेछाप -९ रामेछाप

नेपालको सन्दर्भमा “अपाङ्ग दिवस” को केही महत्व छैन । मेरो बिचारमा लाचारी सरकार र अपाङ्ताको मसिँया हुँ भन्नेहरुको कमाई खाने भाँडो हो अपाङ्गता दिवस । डिसेम्वर ३ अर्थात अन्तरराष्ट्रिय अपाङ्ग दिवस यस बर्ष पनि नेपालमा बिभिन्न कार्यक्रमका साथ मनाँइयाे । दिवस सकिस्कदा अपाङ्गता भएका व्यक्तिहरुको नाममा भित्रीएका करोडौ डलरहरु पचाएर होटल र क्याफेहरुमा सेमिनार हरू पनि सकिसकेका छन् । मैले सुने  अपाङ्ग दिवस मनाउने नाममा दाताबाट आएको पैसाबाट अपाङ्गताहरुको नाममा खोलिएको संस्थाहरुले ककटेल डिनरको समेत आयोजना गरीपनि सके । अपाङ्गता को नाममा सिमित व्यक्तिले लुटमच्चाई रहेका छन् । यति बेला यो नेपालको लाचारी सरकार के गदै होला ?

अपाङ्गता भन्ने वित्तिकै मानिसहरुले सहानुभूतिले हेर्ने गरेका कारण यस क्षेत्रमा निकै ठुलो लुट चल्दै आएको छ । काठमाडौमा पनि केहि समुह भन्दा बाहेकलाई यो दिवस आँउछ । जुन डलरवालाहरुले उपयोग गरिरहेकाछन् । अपाङ्गता भएका व्यक्तिहरुलाई पत्तो पनि छैन । काठमाडौ बाहिरका अपाङ्गता भएकाहरुको त अपाङ्गता दिवस त परै जावस कल्पना पनि गर्न सक्दैनन् । अपाङ्गताको नाममा नेपालमा प्रत्येक बर्ष भित्रीने डलरहरु प्रत्येक अपाङ्गता भएकाहरुलाई बाँड्ने हो भने पनि प्रतिव्यक्ति ५० हजार भन्दा बढी बार्षिक रुपमा भाग लगाँउन पुग्छ रे । जानकारहरु त्यस्तै बताउँछन् । तर यो पैसा अपाङ्गताको नाममा सिमित संस्था र समुदायले मस्ती गदै आएको छ ।
अझै भन्दा त्यो समुदायको अपाङ्गता क्षेत्रमा सिन्डीकेटनै छ । चाप्लुसी र आसेपासे बाहेक अरु जस्तोसुकै अपाङ्गता भएका व्यक्तिहरुलाई उ अपाङ्ग भएको व्यक्तिनै ठान्दैन । बिभिन्न फरक फरक शिर्षकमा बिभिन्न मन्त्रालयबाट र दाताहरुबाट पैसा कुम्ल्याउदै अपाङ्ग क्षेत्रको मसिहनै भएको भन्दै लुट मच्चाँउदै आइरहेका छन् । अपाङ्गताको वकालत गर्नेहरुलाई सेमिनार र गोष्ठी गरेर डलर खर्च गर्नमानै फुर्सद छैन । अधिकार मागेर होइन खोसेर लिनु पर्दछ भन्ने सास्वत सत्यलाई लत्याँउदै उनिहरु अरु अपाङ्गता भएकाहरुको मुक्तिको लागि भन्दा पनि आफनै गोजी भर्न र मस्ती गर्नका निम्तिनै तल्लिन छन् ।
अपाङ्गता भएकाहरुको नाममा संस्था खोलेर अकुत सम्पत्ती कमाउनेहरु तथा अपाङ्गता भएका संस्थाका प्रमुख र पूर्व प्रमुखहरुको सम्पत्ती छानविन हुनु पर्दछ । अपाङ्गताको नाममा आएको रकम ककटेल डिनर गरी अपाङ्गता भएको व्यक्तिहरुको धज्जी उडाउँदै सकाउँने हैन, नेपालका हरेक अपाङ्गता भएका ब्यक्तिहरुले बाँच्न पाउने अधिकार माथि उपयोगमा ल्याउनु पर्दछ ।
अपाङ्ग दिवस मनाउँन हामीले कुन उत्सव जितेका छौ र ? अदालत ले दिएका निर्देशन समेत कार्यान्वयनमा ल्याउन सकेका छैनौ । ठुलो ठुलो कुरा गरेर मान्छे ज्ञानी हुदैन । मानिस ज्ञानी तब हुन्छ जब उसले सानो सानो कुरा हरुलाइ बुझ्न थाल्दछ । हामीले अरु राष्ट्र मा झै अधिकार पाएका दिनमात्र अन्तरराष्ट्रिय अपाङ्ग दिवसको महत्व आउने छ । अन्यथा नेपालको सन्दर्भमा यो दिवसको कुनै तुक भेटिँदैन ।

Comments