दृष्टिविहीन बालबालिकाका लागि एक करोड बराबरको जग्गादान

पोखरा, ३ मंसिर (रासस) ः दृष्टिविहीन बालबालिकालाई शिक्षा प्रदान, क्षमता अभिवृद्धि र आत्मनिर्भर बनाउने उद्देश्यले पोखरा–लेखनाथ महानगरपालिका–१४ का एक दम्पतीले रू एक करोड मूल्य पर्ने जग्गा दान गरेका छन् ।

स्थानीय भीम तिमिल्सिना र श्रीमती बन्दना तिमिल्सिनाले महानगर–१४ चाउथेमा रहेको रू एक करोड मूल्य पर्ने पाँच आना दुई दाम जग्गा दान गर्नुभएको हो ।
उहाँहरूले उक्त जग्गा नेपाल नेत्रहीन संघको नाममा रजिष्ट्रेशन गरी जग्गाधनी पुर्जा संस्थाका अध्यक्ष लक्ष्मण सुवेदीलाई हस्तान्तरण गर्नुभएको थियो ।

Comments