साझा यातायातमा अपाङ्गता भएका व्यक्तिलाई निःशुल्क सेवा
सरोकार संवाददाता
काठमाडौँ, १३ असार
साझा यातायातले ज्येष्ठ नागरिक, गरिब परिचयपत्र बोकेका नागरिक, अपाङ्गता भएका व्यक्ति तथा पाँच वर्षमुनिका बालबालिकालले समेत निःशुल्क सेवा दिने भएको छ ।
आज महानगरपालिका र साझा यातायातबीच भएको पुरक सम्झौतामा ७० वर्ष पुगेका जेष्ठ नागरिक र अपाङ्गता भएका व्यक्तिलाई परिचयपत्रका आधारमा निःशुल्क सेवा दिने उल्लेख छ ।
ज्येष्ठ नागरिकका साथै, क र ख वर्गका अपाङ्गता भएकालाई पनि उपत्यका भित्र साझा यातायातका जुनसुकै बस चढ्दा भाडा तिर्नु नपर्ने साझाले जनाएको छ। अहिले साझा यातायातका बसहरू काठमाडौं उपत्यकासहित बाहिर पनि जान्छन्।
महानगरले प्रदान गरेको ५ करोड रूपैयाबाट साझाले नेपालमै पहिलोपटक भित्रिने ‘सेमी लो फ्लोर’ बस ल्याउनेछ । यसका लागि साझाले आपूर्तिकर्ता कम्पनीसँग सम्झौता गरिसकेको छ । यो बसमा चढ्न र ओर्लन अपांगता भएका तथा अशक्त बिरामीहरुलाई कुनै लिफ्टको जरुरत पर्नेछैन ।
साझाले अहिले ल्याएको बसमा म्यानुअल लिफ्ट छ । जसमा अपाङ्गता भएका व्यक्तिहरुलाई चढाउने र ओराल्ने समयमा समयमा मान्छेले मेहेनत गरेर जोड्नुपर्छ । तर, लो फ्लोरको बसमा भने चढ्न ओर्लन कुनै असहज हुँदैन ।
Comments
Tell me what you're thinking...
and oh, if you want a pic to show with your comment, go get a gravatar!