व्हीलचेयर क्रिकेटमा व्यापक विवाद

September 6, 2018 by · 1 Comment
Filed under: News, समाचार 

पुरस्कारमा अंश खोजेपछि अवसर गुमाउँदै

कुनै समय थियो, जब नेपालका व्हीलचेयर क्रिकेटले अन्तरराष्ट्रिय रूपमा नै ख्याति पाएको थियो । तर, अब यो उदाउँदो इतिहास ओझेलमा पर्ने भएको छ । व्हीलचेयर क्रिकेट एसाेसियनमा अध्यक्ष छुल्ठिम शेर्पाले कब्जा जमाइ टिमका क्याप्टेन  हिमाल अर्यालसहित केही खेलाडीलाई एसोसिसयनसम्बद्ध नभएको सूचना फेसबुकमा जारी गरेपछि विवाद सतहमा आएको हो ।

हिमाल अर्यालको कप्तानीमा रहेको व्हीलचेयर क्रिकेट टाेलीमा डिकाम सेन चेङजोम, भरत कार्की, राजु कटुवाल, डम्बर थापा, दानबहादुर थिङ, खनी नारायण पौडेल, विष्णु अधिकारी, जंगबहादुर रुचालमगर, विपिन पौडेल, यमबहादुर श्रेष्ठ, नवीन राई, रामबहादुर तामाङ र राजु गुरुङलयातका खेलाडीहरू रहेका थिए । यीमध्ये अधिकांश खेलाडीहरू व्हीलचेयर बास्केट बल टिममा समेत सहभागी छन् ।

विवाद के हो?

यो विवाद त्यतिखेर सुरू भयो, जब नेपालले अन्तरराष्ट्रिय खेल जितेपछि सरकारले दिएको १ लाख रूपैयाँको नगदपुरस्कार प्रचलित खेलकूद मापदण्डविपरीत एम्पायर रवीन्द्र गुप्तालाई समेत दिलाइयो । गुप्ताले टिम म्यानेजरका रूपमा सरकारले दिएको पुरस्कार थापेका थिए, जबकी टिम म्यानेजरमा सुमीत श्रेष्ठका नाम थियो । अन्तरराष्ट्रिय खेलकूद मान्यताअनुसार एम्पायरलाई खेलकूद टिमका सदस्य वा म्यानेजर मानिदैन ।

नेपाल सरकारले प्रतिखेलाडी १ लाख रूपैयाँ पुरस्कार दिएपछि अध्यक्ष शेर्पाले सबैसँग प्रतिखेलाडी २५ हजार रूपैयाँ मागेको खेलाडीहरू बताउँछन् ।

“हाम्रै संस्था हो, संस्था चलाउनका लागि हामी ५-१० हजार रूपैयाँ दिन तयार थियाैं, तर छुल्ठिमजीले एकै पटक २५ हजार माग्नु भयाे र अन्य कुनै पनि टुर्नामेन्ट खेल्दा जितेको नगद पुरस्कारमा ५० प्रतिशत एसोसियनलाई दिनुपर्ने नियम लगाउनु भएको छ,” टिम कप्तान हिमाल अर्यालले अपांगता सरोकारसँग भने ।

टिप क्याप्टेनका रूपमा अर्याल अगाडि आए पनि प्रायः सबै खेलाडी नगद कटाैती गर्ने अध्यक्ष शेर्पाका एकल निर्णयबाट असन्तुष्ट छन्।

त्रिकोणीय टि – ट्वान्टी क्रिकेट सिरिजमा जितेको पुरस्कार पनि खेलाडीहरूलाइ नदिएको गुनासो छ ।

यसबाहेक, मदन भण्डारी सपोर्टस एकेडेमीले व्हीलचेयर क्रिकेट एसोसियनलाइ दिएको ५० हजार रूपैयाँबाट आफूहरूले केही नपाएको गुनासो खेलाडीहरूको छ ।

यही विवाद चर्किँदै गएपछि एसोसियन शेर्पाले विवाद गर्नेजति खेलाडीबिना आफैले संस्था एक्ल्याएको आरोप उनीहरूको छ।

टिममा सहभागीमध्ये केही खेलाडीले नाम र उमेरका विवादका कारण अझै पुरस्कारको रकम पाउन सकेका छैनन ।

खेलाडीहरूलाई पर्याप्त सुविधा नदिएको, भारत र बंगालादेशका प्रतियोगितामा जाँदा खानासमेत नखुएको,पुरस्कार पैसामा समेत अंशबण्डा खोज्न थालेको विवादमा खेलाडीहरूले असन्तुष्टि जनाएपछि व्हीलचेयर क्रिकेट एसोसियनको विवाद चर्किँदै गएको हो ।

खेलाडीहरूलाई नै बाइपास गरेर व्हीलचेयर क्रिकेट एसोसियसन नै एक्लाैटी बनाइएपछि नेपालले एसियाकपमा जाने अवसर गुमाएको छ ।

अध्यक्ष शेर्पा आफैले खेल व्यवस्थापन गर्न व्यक्तिगत रूपमा ठूलो रकम खर्च गर्दै आफूले संस्था चलाउनका लागि पनि रकम लिनुपर्ने बताउने गरेका छन् । यस सन्दर्भमा प्रतिक्रिया लिन खोज्दा एसोसियसनका अध्यक्ष छुल्ठिम शेर्पासँग सम्पर्क हुनसकेन ।

अनुदानमा आएको मोटिभेसन व्हीलचेयर एनजीओबाटै बिक्री

May 1, 2018 by · 4 Comments
Filed under: News, समाचार 

काठमाडौं । नेपालमा शारीरिक रूपमा अपांगता भएका व्यक्तिहरूका जीवनयापन सहजीकरण होस् भनेर व्हीलचेयर फाउन्डेसन, मोटिभेसन यूकेसहितका अन्तर्राष्ट्रिय दाताहरूले अनुदानमा पठाएको व्हीलचेयर नेपालका एनजीओहरूले बेच्ने गरेको पाइएको छ ।

RoughTerrainकाभ्रेको सांगामा रहेको स्पाइनल इन्जुरी रिह्याब सेन्टर (एसआईआरसी)का कर्मचारीहरूले मोटिभेसन यूकेबाट पठाइएका १०० थानभन्दा बढी व्हीलचेयर बेचेकाे खबर बाहिर आएपछि यस कुराको खुलासा भएको हो । Read more

भोट दिन कसले लगिदिने?

November 26, 2017 by · Leave a Comment
Filed under: News, समाचार 

बालकुमार शर्मा 

1511683721जाजरकोट, १० मंसिर । भौगोलिक विकटताका कारण जाजरकोटका धेरै मतदान स्थलसम्म सडक यातायात नपुग्दा अपाङ्गता भएका व्यक्ति मतदान गर्न वञ्चित भएका छन् । मतदान केन्द्रमा पुग्ने दिनभर लाग्ने र फर्किदा घरसम्म पुर्‍याउने साहरा नभएपछि मतदान गर्ने रहर भए पनि जान नसकेको भेरी नगरपालिका २ का प्रेम विसीले जानकारी दिनुभयो ।

स्थानीय तहको चुनावमा घरैबाट बोकेर मतदान केन्द्रमा पुर्‍याउने  पनि यसपटक कसैले वास्ता नगरेको उहाँले बताउनुभयो ।जाजरकोट अपाङ्ग उत्थान केन्द्रका अध्यक्ष याम बहादुर वस्नेतका अनुसार जिल्लाभर आंशिक अपाङ्गता तथा पूर्ण अपाङ्गता भएका व्यक्तिको संख्या १२ सय भन्दा बढी रहेको छ । उनीहरु मतदान गर्न कसैको सहारामा हिड्नु पर्छ ।

मतदान केन्द्र टाढा भएकोले लैजान ल्याउन झन्झट मानेकाले अधिकांश अपाङ्गता भएका व्यक्तिले मतदान गर्न नपाएको अध्यक्ष यामबहादुर बस्नेतले जानकारी दिनुभयो ।

त्यस्तै जाजरकोट दृष्टिविहीन केन्द्रका अनुसार जिल्लाभर ४३ भन्दा बढी दृष्टिविहीन छन् ।

साभार: उज्यालोअनलाइन

दलका घोषणापत्रमा अपांगताको सवाल

November 14, 2017 by · Leave a Comment
Filed under: News, समाचार 

PWD eclectionविभिन्न राजनीतिक पार्टीले यस पटक पनि अपांगताका विषयलाई चुनावी मुद्दा बनाएका छन् ।यसअघि भएका हरेक निर्वाचनमा दल र दलका नेताले अपांगताका हरेक समस्या समाधान गर्ने भन्दै अपांगता भएका व्यक्तिको मत आफ्नो पक्षमा पार्न घोषणापत्रमार्फत विभिन्न आश्वासन दिँदै आएका थिए ।

आगामी मंसिर १० र २१ गते हुने प्रदेशसभा र प्रतिनिधिसभाको निर्वाचनमा समेत मुख्य राजनीतिक दलहरूले ती मुद्दालाई आआफ्ना घोषणापत्रमा समावेश गरेका छन् । Read more

अपांगतासम्बन्धी सोच पुरानैः मन्त्री पोखरेल

August 9, 2017 by · Leave a Comment
Filed under: News, समाचार 

काठमाडौँ, २५ साउन । स्वास्थ्यमन्त्री गिरिराजमणि पोखरेलले संविधानमा अपांगता भएका व्यक्तिका विषयमा धेरै कुरा समेटिएको बताउनुभएको छ ।

कुष्ठरोग नियन्त्रण महाशाखाको समन्वयमा आज आयोजित ‘अपांगतासम्बन्धी प्रथम राष्ट्रिय समीक्षा तथा योजना तर्जुमा गोष्ठी’मा संविधान निर्माणका समयमा अपांगताका विषय समेट्न यस क्षेत्रमा कार्यरत व्यक्तिले महत्वपूर्ण भूमिका निर्वाह गरेको उहाँले उल्लेख गर्नुभयो । Read more

पाँच अपाङ्गता भएका व्यक्तिलाई सिलाइ मेसिन

July 15, 2017 by · Leave a Comment
Filed under: News, समाचार 

मोरङ, ३१ असार (रासस) ।

दलित समन्वय नगरसमिति उर्लाबारीले पाँचजना अपाङ्गता भएका दलितलाई सिलाइ मेसिन वितरण गरेको छ । आज उर्लाबारी– ४ स्थित रामेश्वर शिवालय मन्दिरमा आयोजित स्थानीय तहमा नवनिर्वाचित जनप्रतिनिधिलाई सम्मान तथा सिलाइ मेसिन वितरण कार्यक्रममा पाँचजना अपाङ्गता भएका दलित तथा तिनका आश्रित परिवारलाई मेसिन वितरण गरिएको हो ।

उर्लाबारी नगरपालिकाको सहयोगमा प्राप्त सिलाइ मेसिन उर्लाबारीका प्रेमकुमारी बर्देवा, विश्वेश्वरी विश्वकर्मा, हर्कमाया विश्वकर्मा, मायाशङ्कर र दिलबहादुर दर्जीलाई वितरण गरिएको हो । कार्यक्रममा उर्लाबारी नगरपालिकाका प्रमुख खड्ग फाँगो, उपप्रमुख लक्ष्मी भण्डारी, नगरपालिकाका कार्यकारी अधिकृत अम्बिकाप्रसाद चौलागाईंले उनीहरुलाई सिलाइ मेसिन प्रदान गर्नुभएको थियो ।

कार्यक्रममा नवनिर्वाचित नगर प्रमुख फाँगो, उपप्रमुख भण्डारीका साथै वडाध्यक्ष, सदस्यलाई समितिले सम्मान तथा बधाई ज्ञापन गरेको थियो ।

गरिबको निवेदन प्रधानमन्त्री कार्यालयबाटै गायब : सिंहदरवारबाट यसरी लखेटिए लाल गिरी

March 1, 2017 by · Leave a Comment
Filed under: News, समाचार 

शम्भु दंगाल/रातोपाटी अनलाइन

काठमाडौं – सधैँ हाइप्रोफाइलहरुको दौडधुप हुने सिंहदरबारस्थित प्रधानमन्त्री तथा मन्त्रीपरिषद कार्यालयको आँगनमा मंगलबार बिहान एउटा रिक्सामा झुत्रो मैलो लुगा लगाएका एक बृद्ध देखिए । उमेरले ६० कटेका अपाङ्गता भएका यी बृद्ध राम्ररी आँखा समेत देख्न नसक्ने थिए । उनको एउटा आँखा बिग्रिएको थियो भने दुबै गोडा नचल्ने थियो । अपाङ्गता भएकाहरुले प्रयोग गर्ने रिक्सामा रहेका उनी पूर्णरुपमा नचलने हातले मुस्किलले रिक्सा चलाँउन सक्थे । उनी पूरानो बसपार्कबाट त्यही रिक्सा कुदाएर सिंहदरवारसम्म पुगेका थिए ।

यी बृद्ध बाजुराका लाल गिरी हुन् । उनी काठमाडौंको पूरानो बसपार्कमा बस्छन् । असक्तताका कारण कठिन रुपमा दिन बिताइरहेका उनले मागेर जीवन गूजारा गर्दैै आएको बताए । आर्थिक अवस्था अत्यन्तै कमजोर र औषधी उपचार गर्न नसक्नेहरुका लागि प्रधानमन्त्री कार्यालयले आर्थिक सहायता गर्ने थाहा पाएका गिरीले प्रधानमन्त्री कार्यालयमा झन्डै ६ महिना अघि निवेदन दर्ता गराएका थिए ।

निवेदन दिएपछि दशौपटक प्रधानमन्त्री कार्यालय धाएको बताउने उनी मंगलबार पनि आर्थिक सहायताको आशामा प्रधानमन्त्री कार्यालय अगाडि पुगेका थिए ।

तत्कालीन प्रधानमन्त्री माधवकुमार नेपाल नेतृत्वको सरकारका पालामा उनले ५ हजार आर्थिक सहायता पाएका रहेछन् । त्यसपछि हरेक बर्ष उनी सरकारको दैलोमा सहयोगको आशा बोकेर आउने गरे पनि सधै निराश भएर फर्कने गरेका रहेछन् ।

प्रधानमन्त्री कार्यालयबाटै फाइल हरायो

६ महिनाअघि उनले प्रधानमन्त्री कार्यालयमा ५ हजार आर्थिक सहायताको आसमा निवेदन दर्ता गरेका रहेछन् । त्यसबेला प्रधानमन्त्री कार्यालयले चिठी दर्ता भएको कागजको चिर्कटो थमाएर पछि आउनुस भनेर पठाएकोे थियो । उक्त कागज अनुसार २०७३ असोज १३ गते प्रधानमन्त्री कार्यालयमा उनको चिठी दर्ता भएको थियो । उनको चिठीको दर्ता नंबर ४०७४ हो । तर अहिले प्रधानमन्त्री कार्यालयबाट उनको फाइल हराएको छ ।

प्रधानमन्त्री कार्यालयमा पुगेर उनले प्रहरीलाई आफ्नो निवेदनको दर्ता नम्बर दिएर केही निर्णय भयो कि भनेर बुझ्न पठाए ।

आधा घण्टापछि प्रहरी जवान आएर तपाईको चिठी गृहमन्त्रालय गएको छ, उतै जानुस भनेर पन्छाँउन खोजे ।

तर लाल गिरीले पहिला पनि आफूलाई यसैगरि झुक्काएको भन्दै गृहमा चिठी पठाएको मिति भएको कागज दिन भने । उनले अड्डी कसेपछि ती प्रहरी जवान प्रधानमन्त्री कार्यालयको नीजि सचिवालयमा गएर भने– ‘यी बुढा गृहमा चिठी गएको मिति नलिइकन जानै मान्नुहुन्छ, म के गरुँ हजुर ।’ सचिवालयका कर्मचारीले प्रहरी जवानलाई कन्ट्रोल रुममा पनि फाइल छैन भनेर सोधे । कन्ट्रोल रुममा पनि फाइल भेटिएन भनेर ती प्रहरी जवानले जवाफ दिए । अन्तमा जसरी भए पनि यी बृद्धलाई प्रधानमन्त्री कार्यालयबाट पन्छाउने जुक्ति प्रधानमन्त्रीको नीजि सचिवालयले निकाल्यो । सचिवालयका एकजना कर्मचारीले भने–‘गृहमन्त्रालयमा चिठी पुगिसक्यो, उतै सहायता लिन जानुस् भनेर पठाईदिनुस ।’ त्यसपछि प्रहरी जवानले यहाँ नआँउनुस् गृहमन्त्रालय जानुस् भनेर प्रधानमन्त्री कार्यालयबाट हटाए ।

प्रधानमन्त्री कार्यालयबाट गृहमन्त्रालय

मुस्किलले रिक्सा चलाँउदै लाल गिरी गृहमन्त्रालयतिर लागे ।

गृहमन्त्रालयको समन्वय तथा सहजीकरण शाखाले आर्थिक तथा उपचार सहायता बिषयमा हेर्ने गर्छ । प्रधानमन्त्री कार्यालयमा आर्थिक तथा उपचार सहायतका लागि दर्ता भएर गृहमन्त्रालय पुगेको चिठीपत्र त्यहाँ पनि दर्ता गरिन्छ ।

प्रहरीको सहयोगमा उक्त शाखा अघि पुगेपछि त्यहाँका शाखा अधिकृत काशीराम शर्मासँग प्रधानमन्त्री कार्यालयबाट आफूलाई यसरी पठाएको भनेर गुनासो गरे । अधिकृत शर्माले निकैबेर लगाएर दर्ता फाइल र चिठीपत्र हेरे तर फाइल भेटिएन । खासमा प्रधानमन्त्री कार्यालयबाट गृहमन्त्रालयमा लाल गिरीको पत्र नै नपुगेको पत्ता लाग्यो ।

गृहले फेरी प्रधानमन्त्री कार्यालय देखायो

अधिकृत काशीराम शर्माले कुन मितिमा प्रधानमन्त्री कार्यालयले चिठी पठाएको हो, त्यसको चलानी नंबर ल्याउन भन्दै गिरीलाई फेरी प्रधानमन्त्री कार्यालयमा चिठी लिन पठाए । उनी बिलौना गर्दै प्रधानमन्त्री कार्यालयतिर फर्किए– ‘म बुढो अपाङ्गलाई किन दुःख दिएको होला, मैले पाँच/छ लाख त मागेको हैन नी । कोही नभएको रोगी अपाङ्गले ५ हजार माग्दा किन दुःख दिएको होला । नहुने भए त हुन्न भने भइहाल्थ्यो नी ।’

अनि रुदै फर्किए…

गृहबाट फेरी प्रधानमन्त्री कार्यालय फर्किएका उनलाई गृहतिरै जान भनेर प्रहरीले फर्काइदियो । माधवकुमार नेपाल सरकारले पाँच हजार दिएको भन्दै बाबुराम भट्टराईको पालामा पनि आफूलाई धेरै झुलाएर सहायता नदिएको भन्दै दुःख मनाउ गरे । प्रधानमन्त्री कार्यालयबाट हामी जस्ता गरिब असक्तले सहयोग पाउन नसकिने रहेछ भन्दै गहभरी आँशु पारेका उनी रिक्सा चलाँउदै पूरानो बसपार्क फर्किए ।

बिडम्बना, त्यही सिंहदवारमा सोही पूर्व प्रधानमन्त्री सुशील कोइरलाको नाममा क्यान्सर अस्पताल निर्माण गर्ने निर्णय गर्यो । त्यसअघि फागुन ९ गते मात्र विमलेन्द्र निधीका पिता महेन्द्र नारायण निधि मेमोरियल अस्पतालको लागि ३ करोड अनुदान दिने निर्णय गरेको थियो । उक्त अस्पतालले वर्षेने करोडौँ रुपैयाँ अनुदान पाउने गरेको छ । त्यही सिंहदरवारबाट एमाले अध्यक्ष केपी ओली, पूर्व राष्ट्रपति रामवरण यादव, कांग्रेस नेतृ सूजता कोइरालाले उपचार रकम बापत करोडौँ रुपैयाँ पाए । तर, अपाङ्ग लाल गिरी त्यहाँबाट रित्तो हात फर्कन बाध्य भए ।

भिडियोसहितको रिपोर्ट

http://www.ratopati.com/news/121902/

साभारः रातोपाटी

देख्नेले पनि दृष्टि विहीनको अनुभूति गरेपछि…

January 4, 2017 by · Leave a Comment
Filed under: News, समाचार 

 हरि बास्तोला

पोखरा, २० पुस । झट्ट सुन्दा अचम्म पनि लाग्न सक्दछ, विभिन्न कारणले दृष्टि गुमाएकाको दिनचर्या र भोगाइलाई पोखराका विभिन्न कार्यालय प्रमुख, प्रतिनिधि एवम् सर्वसाधारणले केही समय भए पनि अनुभूति गरेका छन् ।

विश्व ‘ब्रेल दिवस तथा २०८ औँं लुइब्रेल’ जयन्तीका अवसरमा सामाजिक जागरणका लागि नारी अभियानद्वारा यहाँ आयोजित अँध्यारो यात्राका सहभागीले आँखा छोपेर सेतो छडीको सहारामा हिँडदा त्यस्तो अनुभूति गरेका हुन । Read more

जिल्ला शिक्षा कार्यालयको लापरबाहीले सुस्त श्रवण भएका बालबालिका शिक्षाबाट बन्चित

दीपक खडका

कपिलवस्तु: कपिलवस्तुको पश्चिम क्षेत्रमा अपाङ्गता भएका बालबालिका  शिक्षाबाट बन्चित भएका छन् । शिक्षा पाउनबाट बन्चित हुनेमा अधिकांश कान नसुन्ने र सुस्त श्रवणका रहेका छन् ।

शिवराज नगरपालिका ११ मा बसोबास गर्दे आएका सुनिता नेपालीले आफ्नो छोरा अंश नेपालीलाई  घर नजिकै रहेको श्री बाल शिक्षा निमावि मा भर्ना नलिएको गुनासो गर्दे भनिन छोरा १० वर्ष पुगिसक्यो, विद्यालयमा भर्ना नै लिँदैनन् । Read more

दृष्टिविहीन पनि साङ्गभन्दा कुनै अर्थमा कमजोर छैनन्

March 12, 2016 by · Leave a Comment
Filed under: News, समाचार 

। के तपाईंले दृष्टिविहीनलाई कमजोर ठान्नु हुन्छ ? यदि यस्तो सोचाइ राख्नुहुन्छ भने यो गलत धारणा हो । नेपालमा दृष्टिविहीन पनि  आँखा देख्ने साङ्गभन्दा कुनै अर्थमा कमजोर छैनन् ।
नेपालमा हाल चारजना दृष्टिविहीनले विद्यावारिधि गरिरहेका छन् । त्यस्तै स्नातकोत्तर तहमा ५५ जना, स्नातक तहमा १५० तथा एसएलसीमा ८५० जना महिलाले अध्ययन गरिरहेको छ ।
Read more

Next Page »